AVP a reparti saco di plastico prome cu Parada di San Nicolas

ORANJESTAD (AAN): E ta un tradicion di varios decada caba, unda cu Partido AVP ta pasa pone sea caha of saco di sushi a lo largo di rutanan di Carnaval. 

Cu e esfuerzo aki, nan ta yuda pa asina mantene ruta di Carnaval mas limpi, y facilita trabao di personal di Serlimar cu na final ta pasa recoge sushi.

   E ta un accion cu ta cay perfecto den e vision di ‘E Bon Comun’ cu partido berde ta promoviendo ultimo decada na Aruba.

   Riba Diasabra cu e Parada Grandi na San Nicolas, un team di AVP a subi caya acompaña pa Ministro Rene Herdé, pa asina reparti saco a lo largo di e ruta.  Nan ta topa cu mirones na banda, cu ta acepta e saconan cu man habri.  Areanan cu no tin hende ainda, nan tabata mara e saconan aki na e baricadanan pa asina suministra un espacio pa benta sushi afo.

   Di e forma aki nan ta yuda tene e isla limpi, como parti di e lega di ‘Hunto nos ta e Bon Comun”.