The content originally appeared on:
Diario
ORANJESTAD (AAN): Diabierna anochi rond di 10’or autoridad a indentifica e Hyundai Getz shinishi, cu algun rato prome tabata envolvi den un caso di tiramento.
Vocero Policial Sra. Liliana Rasmijn a indica cu Unidad di motorisa como tambe K-9 Unit a topa cu un auto Getz color shinishi na unda ta bay over pa stop e pa controla.
E auto Getz ta cuminsa core pa polis y na unda ta dal den dos auto y sigui bay direccion rotonde Pos Chikito.
Unidad motorisa ta logra para e auto y na unda 4 persona masculino ta baha di e auto y huy pa polis. Polis ta logra detene 2 sospechoso.
A logra haya un arma di candela. E auto Getz a keda confisca tambe pa mas investigacion.
Cuerpo Policial ta haci un apelacion pa cu e persona cu a wak algo of sa algo pa yama tiplijn di polis cu ta 11141. Polis ta garantisa cu bo ta keda anonimo.
