Auto a dal adulto mayor cruzando caya den Emanstraat

ORANJESTAD (AAN): Tabata Diadomingo anochi alrededor di 9:00 pm, cu Central di Polis a ricibi diferente notificacion,

cu auto a caba di dal un hende y e ta gravemente herida.  Esaki a socede net na altura di e T-weg di John G. Emanstraat y Waterweg, poco pariba di oficina principal di Island Finance.

   Patruya di Polis di Playa a yega rapido na e lugar, y a bin topa cu un adulto mayor na suela cerca di edificio pazuid, rondona pa algun persona tratando di yuda.

   Panort di caminda tabatin un auto sedan Mitsubishi Lancer, cu ta esun cu a dal’e.  E chauffeur corectamente a stop pa yuda y pa atende cu e accident.

   E chauffeur a papia cu prensa brevemente y a bisa cu e no tabata bin duro. El a bisa tambe, manera ley ta indica, cu el a para y warda polis.

   El a splica cu ta inespera e adulto mayor a cruza caya, subi caminda su dilanti for di panort cruzando pazuid, y ta kere cu e lo no a pone tino cu auto ta bin.

   E peaton a resulta herida na pia y na yegada di ambulance Paramediconan a papia cu ne un rato y despues a transport'e pa Servicio di Emergencia na Hospital.