Atlanta Braves a firma pa 1,8 miyon Dollar un Dominicano di 16 aña cu por pitcha 100 mph

ATLANTA: E team di Baseball, Atlanta Braves, a bolter mercado di firmamento nobo cu prospectonan internacional,

ora cu nan a cera contract cu e hoben Dominicano, Raudy Reyes, kende ta un pitcher derecho cu ta bay haya salario di 1,8 miyon Dollar.

   E hoben di 16 aña a sorprende Scouts di Major League Baseball cu e velocidad katan-katan di su lanzamento recto, consistentemente marcando riba di 98 mph (miya pa ora), y ta yega cada tanto rato na 101 mph.  Esey ta igual cu 162 km/h.

   Raudy Reyes ta logra e speed di tira bala ey, danki na su estatura corpulento, di 1.93 meter halto y cu peso di 90,7 kilo pa su edad.

   E revista di estadistica, Fangraphs a pone Raudy Reyes na Number 12 di e lista di mihor prospectonan den benta internaciona, ademas el ta den puesto #2 di pitchernan, y ta tras di e pelotero japones Roki Sasaki (kende ya tin experiencia profesional).

   Nan a mira video di e forma con Reyes ta tira e bala, nan a mira un accion simpel di braza, cu ta basta los ora cu e ta zwaai riba su cabez, y esaki ta percura pa un extension amplio, y door di esey e por finaliza mas cerca di e plate y ta genera un efecto riba bateadornan cu ta percibi e potencia di e pitcheo di ta mas duro cu realidad.