Aruba a bira campeon di The FIFA Series 2026 di Grupo B

Aruba a derota Liechtenstein den wega hunga na Rwanda

ORANJESTAD (AAN): Tabata Diadomingo merdia pa 12’or (ora di Aruba), pero cu tabata 6:00 pm na e ora di pais Rwanda (pais den parti oriental di Africa, cerca di Uganda y Tanzania), cu un wega amistoso di Grupo B di “The FIFA Series 2026” a wordo hunga.

   E team di Aruba cu a viaha pa e pais Africano, a enfrenta e team di pais Liechtenstein (pais Europeo cerca di Suiza).  E wega di fogeo aki (‘friendlies’) a bira e prome wega grandi di Aruba contra un pais Europeo.

   E wega den Kigali Pele Stadium na Rwanda a start na tempo, y mesora Aruba a sa di domina e bala, y na di 19 minuut e prome goal a cay pa Aruba, anota door di Jaybriën Romano.  E trend y presion di Aruba a sigui den siguiente minuutnan, y esaki a desemboca den goal di Gello Robertha, pa anota e score na 2-0 na di 25 minuut.  Asina prome tempo a finaliza cu score di 2-1.

   Den segundo mita, Liechtenstein a anota un goal na di 52 minuut, y score a bira 2-1.  Na di 69 minuut, Rainey Breinburg a logra hisa e score na 3-1 pa Aruba cu un bunita goal.  Den tempo extra, na di 94 minuut, e team di Liechtenstein a hinca un auto-goal, pues asina e wega a finaliza pa Aruba cu score di 4-1.

   Di e forma aki, Aruba a logra bira e Campeon di Grupo B di The FIFA Series 2026.  Palabra di pabien na tur esnan den e seleccion, coach, y asistentenan tecnico, y tambe na AVB Aruba.