ARTBO kier felicita Amylee Melo cu a ricibi su certificado di 2e poom

ORANJESTAD (AAN): E di dos siman di Maart '25 a habri cu un grato noticia caminda Amylee Melo,

alumno di Chaco Taekwondo Academy a ricibi su certificado di 2e poom, directamente for di Kukkiwon Sur Corea. Nan ta sumamente orguyoso cu e logro aki di Amy.

                        E aña aki, Chaco Taekwondo Academy lo kier sigui su enfoke riba e chikitonan inculcando e respet, disciplina, cortesia, integridad, perseverancia, desaroyo di mente fuerte y spirito indomable. Pe e adultonan e aña aki lo concentra adicionalmente riba e fortalecimento fisico y desaroyo di e raiz di e arte di taekwondo como arte marcial.