Alumnonan di Mon Plaisir HAVO y VWO a bishita Xavier University

ORANJESTAD (AAN): Recientemente algun alumno di Mon Plaisir College HAVO y VWO, a bay haci un bishita orientativo na Xavier University Aruba.

   Durante e bishita aki, nan a ricibi un tour di e campus, pa asina nan mira y sinti con e bida di universidad ta.  Tambe a haya presentacion riba e posibilidadnan di bay sigui nan estudio avanza despues na Xavier, yudando nan asina explora e rutanan academico den nan futuro.

   Como un highlight special, e studiantenan a bay tira un bista tambe na e campus nobo di Xavier na Hato, y asina mira con mas avanza e universidad aki ta cla pa drenta futuro cu ne.

   Esnan di Mon Plaisir College HAVO y VWO ta gradici Xavier University pa e caluroso bon bini y e experiencia yen inspiracion aki.