Alumnonan di Maria College na scol cu nan cruz di shinishi

ORANJESTAD (AAN): Riba Diaranson di Shinishi, por a nota cu varios fiel a acudi na Misa trempan pa ricibi nan cruz di shinishi riba nan frenta. 

Pesey na trabao y na scol, ta hopi persona a sigui nan dia normal cu e cruz marca riba nan frenta.

   Esakinan ta alumnonan di Maria College MAVO cu a keda henter dia cu nan cruz di shinishi.

    Diaranson di Shinishi a marca e comienzo di 40 dia di Cuaresma, sirbiendo como un dia solemne di yuna, arepentimento, y reflexion pa Cristiannan, particularmente Catolico y hopi tradicion Protestant.  E ta nifica e comienso di un periodo di preparacion pa Pasco di Resureccion.

   E shinishi ta simbolisa e deseo pa arepentimento pa pica y regresa bek cerca Dios, actuando como un señal visibel di un dedicacion interno pa conversion.