Alumnonan Colegio San Antonio a bay mira pelicula bisti den pidjama di Pasco

ORANJESTAD (AAN): E celebracion di Pasco pa e alumnonan di Colegio San Antonio MAVO na Santa Cruz, tabata uno “hopi relaha y confortabel” pa 2024.

   Nan a bay hunto pa disfruta di un bon pelicula na The Movies na Gloria Entertainment Center, anto bisti den nan mihor pidjama di Pasco.

   Tuma nota cu e Papiamento oficial di Aruba awor ta usa “pidjama” pa describi loke antes tabata wordo skirbi como ‘pijama”.  Pues e diccionario nobo a elimina esey, y awor padilanti tur hende tin di skirbi ‘pidjama’.

   Y por a nota cu a bay premia algun alumno pa nan creatividad y entusiasmo cu e pidjama cu nan a bay mira pelicula cune.  Docentenan di e scol tampoco no a keda atras, y nan tambe a uni na e ambiente festivo y relaha.