Alumnonan a reta otro pa bebe refresco mescla cu algo y a bira malo

​

ORANJESTAD (AAN): Awendia riba medionan social por mira tur tipo di ‘challenge’ entre hobennan.

Loke si nan no ta mira, ta e consecuencianan robes cu esaki ta causa.

Diaranson den oranan di merdia, alumnonan di EPB Hato aparentemente a reta otro pa bebe refresco mescla cu algo. Mas cu claro, e ‘algo’ aki a causa cu e hobennan a cuminsa sinti malo.

Pa motibo cu ta trata di varios mucha, Central a manda 2 ambulance y un ‘Rapid responder’ pa atende cu nan. Di biaha a alerta polis tambe.

See also

Local News

Oportunidad pa inscribi bo yiu pa e programa di Prisma na SKOA

Docentenan a papia cu e muchanan y a haya sa cu ta trata di un ‘challenge’ cu nan a wak riba medionan social pa bebe refresco mescla cu algo. No ta conoci kico nan por a mescla e refresco cu ne. Di biaha a yama e mayornan di e studiantenan, cu a dicidi di hiba nan Hospital pa haci mas control.

Mayornan mester papia cu nan yiunan cu e retonan cu nan ta wak riba medionan social por tin consecuencianan severo pa nan salud y bienestar, tin hoben cu hasta a fayece durante cierto ‘challenge’.