Agenda di Ehecucion y Reportahe di Ehecucion Paketenan di pais Aruba den un bachi nobo

ORANJESTAD (AAN): Prome Ministernan di Aruba, Curaçao y St. Maarten y Secretario di Estado di Relacionnan den Reino Zsolt Szabó a

manda e Agenda di Ehecucion y Reportahe di Ehecucion riba Paketenan di pais nobo pa Parlamentonan y Tweede Kamer. E documento aki a haya un estilo completamente nobo.

   Mihor bista riba planificacion y progreso: E Agenda di Ehecucion y e Reportahe di Ehecucion ta duna periodicamente un bista riba e planificacion y progreso di e reformanan den e Paketenan di pais. Caminda esakinan antes tabata dos documento separa, awor nan ta combina. Di e manera aki, e planificacion y progreso ta mas visibel.

   Ademas a elabora riba e obhetivonan pa cada tema mas miho pa asina ta mas cla kico exactamente nos ta trahando riba dje. Tambe ta pone bon cla con e reformanan ta relaciona cu e plan nacional di Aruba, Curaçao y St. Maarten. Mas aleu a traha un bista historico pa cada tema cu resultadonan alcansa caba, pa motibo cu hopi trabao ya a worde haci caba den e ultimo añanan.

   Colaboracion entre Aruba, Curaçao, St. Maarten y Hulanda: E estilo nobo a worde crea door di colaboracion intensivo entre Aruba, Curaçao, St. Maarten y Hulanda. E Agenda di Ehecucion ta cubri e periodo di september 2024 pa mart 2025. E componentenan di reportahe ta trata e progreso di e reformanan den e ultimo lunanan.

   Esnan cu kier lesa e Agenda di Ehecucion y Reportahe di Ehecucion Paketenan di pais Aruba por check e website aki:

www.bit.ly/auapaket24

   DIARIO a compronde cu e siguiente edicion lo worde publica na cuminsamento di April 2025.