Aeropuerto di Aruba a logra cu exito su di 4 Green Globe Certification

ORANJESTAD (AAN):  Cu masha orguyo Aruba Airport Authority N.V. (AAA) ta anuncia cu Aeropuerto Internacional Reina Beatrix (Aeropuerto di Aruba) a logra

cu exito su di 4 Green Globe Certification di un manera consecutivo, reflehando e compromiso y dedicacion continuo  cu aeropuerto tin cu sostenibilidad, salud, siguridad na trabou, eficiencia y innovacion.

Aeropuerto di Aruba ta bira e prome aeropuerto na mundo pa logra e certificacion aki na aña 2022, resaltando su meta y compromiso pa reduci su impacto ambiental. Green Globe ta un di e programanan di certificacion lider pa operacionnan y maneho sostenibel di biahe y turismo rond di mundo.

E aña aki, aereanan di impacto halto a inclui mehoracion y instalacion continuo di “chillers” di eficiencia halto, introduccion di bakinan di separacion di desperdicio, reciclahe di azeta di cushina, introduccion di sistema di maneho di awa y procesonan pa garantisa calidad y sesionnan di conscientisacion tocante iniciativanan ambiental y di sostenibilidad pa e comunidad di aeropuerto y actividadnan cultural pa menciona algun.

Alinia cu e strategia corporativo di AAA, e certificado aki ta sigui sostene e metanan di reduccion di CO2 di Aeropuerto di Aruba y mas integracion di miho practicanan di sostenibilidad den su procesonan di negoshi.