Accident na cruzada di Avenida Milio Croes

ORANJESTAD (AAN): Diaranson anochi, unidad di Polis hunto cu Ambulance mester a bay e crusada di Stadionweg y Avenida Milio Croes na Dakota, pa un boksmento cu hende herida.

   E autonan envolvi tabata autonan compacto Toyota Agya y un Kia Picanto.

   Ambulance tambe tabata necesario pa atende cu un señora cu mester a haya atencion medico.

   Polis di trafico y Forensys a presenta. Falta di preferencia tabata motibo di e boksmento aki.

   Pa un rato a cera un parti, unda e autonan mester a wordo lanta cu takelwagen y movi di e caminda.