A haci cambionan pa empleadonan traha den un ambiente mas sigur y saludabel

Director di Utilities Aruba NV, Joseph Everon:

ORANJESTAD (AAN): Director di Utilities Aruba NV, Joseph Everon a indica cu desde e directiva nobo, nan a percura pa varios cambio pa empleadonan specialmente awo cu e incinerator ta den funcion. Utilities Aruba NV a provee un ambiente saludabel y sigur pa empleadonan traha na e facilidad aki. Entre otro a percura pa miho cantina, locker rooms, unda nan por baña prome nan bay cas. A provee nan cu washmashin y dryer pa asina nan laga nan paña atras limpi y no hiba nan cas. Tambe a haci cambio den e oficinanan. Señor Everon a indica cu den e siguiente fase lo haci mas pa e empleadonan.

El a indica cu tur persona, incluyendo esnan cu ta traha caba eynan ta pasa den un procedura di training prome y lo sigui haya trainingnan di siguridad y higiena pa nan sigui traha den un ambiente safe y saludabel den tur sentido.