Ministro indicando cu autoridad no ta tolera conducta iresponsabel riba caya

ORANJESTAD (AAN): E cantidad di accident ultimo lunanan tin atencion di Polis. 

Ta cuanto auto bo ta mira coriendo anochi faltando un luz patras, of cu ora nan primi brake, no tin ningun luz ta cende mes.

   Ministro di Husticia a indica cu ya Ministerio di Husticia y tampoco Cuerpo Policial di Aruba no ta tolera conducta iresponsabel di automobilistanan riba cay, cu ta pone bida y siguridad na peliger.

   Segun Ministro, siguridad ta un derecho di cada ciudadano y un responsabilidad comparti di tanto autoridad como di comunidad. “Nos no por permiti cu conducta iresponsabel di algun persona asocial, ta kita trankilidad di comunidad y pone nan na peliger.”

   Pesey respeta velocidad maximo.  Staciona na lugarnan adecuado, corda pone señal ora di sali for di rotonde, y no staciona dilanti garashi di hendenan pa stroba nan entrada/salida.