ORANJESTAD (AAN): Directie Arbeid en Onderzoek (DAO) y Tienda Legal Laboral (TLL) ta informa comunidad cu,
pa motibo di trabounan den conexion cu renobacion grandi na e edificio di MFA Savaneta, e ekipo di TLL Savaneta lo opera temporalmente for di e edificio di Departamento di Progreso Laboral (DPL) na San Nicolas entrante Diamars 6 di October.
E reubicacion temporal aki lo drenta na vigor entrante diamars 6 di october pa un periodo calcula di 2 luna, pa asina por garantisa e continuidad di e servicionan legal y di conseho laboral pa e habitantenan di e districto di Savaneta y San Nicolas durante e trabounan di construccion.
Servicio no ta stop! E ekipo di TLL lo sigui duna e mesun asistencia profesional, husto y accesibel relaciona cu derecho laboral, contract nan di trabou, salario y mediacion den conflicto.
Adres y Contacto Temporal di TLL Savaneta na San Nicolas ta Edificio di DPL di San Nicolas, B. v.d. Veen Zeppenveldtstraat 52, cu telefon 523-7770 y cu email This email address is being protected from spambots. You need JavaScript enabled to view it.
Orario di servicio ta Dialuna te cu diabierna 8:00 am pa 12:00 pm y di 1:00 pm pa 3:00 pm. Riba Diaranson e ta parti mainta so.
Related News
Polis ta investigando caso serio di tiramento den area di Santa Marta pa Sero Biento
Prome Ministro a reuni cu Unoca enfocando riba futuro di arte y cultura
E compania di seguro ENNIA tambe a viola e Ley di LAP
