Ministro Gerlien Croes a duna mensahe di inspiracion pa becadonan

Dia druk na Aeropuerto

ORANJESTAD (AAN): Diaranson atardi e prome grupo di becado a sali riba vuelo rumbo pa Hulanda pa sigui cu nan estudio avanza.  Mas cu claro, ya for di 4’or di atardi cu a cuminza check-in, a nota un momento hopi druk mes.

   Ministro di Enseñanza, Gerlien Croes tabatey presente pa asina duna man y desea cada persona di e beursalen tur clase di exito, y mensahe di inspiracion.

   “Biba boso soño, y braza boso metanan, danki pa escohe pa sigui inverti den boso mes!  Nos ta kere den boso, y ta desea boso tur exito di mundo.”

   Ministro a indica cu durante e dianan aki, un total di 198 studiante a, y lo sali rumbo pa Hulanda.  Riba e potretnan aki pa cortesia di Ministerio di Enseñanza tin un bista di studiantenan na Aeropuerto di Aruba.