Na opinion di MEP...
ORANJESTAD (AAN): Despues di casi un aña di gobernacion, e gobierno Actual ainda no a logra pone claridad basico den su propio structura di responsabilidad. Te ainda, e Landsverordening Instelling Ministeries LIM no a wordo aproba, loke kiermen cu oficialmente no ta sigur cua minister ta responsabel pa cua area.
E situacion aki no ta solamente preocupante, pero tambe inaceptabel. Un gobierno cu no tin su propio reparticion di tarea formalisa, ta crea confusion tanto internamente como pa Parlamento y pa pueblo. Esaki a bira mas evidente ora un otro minister, den e caso aki Minister Gerlien Croes, a aparece den Staten pa duna splicacion riba un tema cu formalmente ta cay bou di responsabilidad di e Minister Presidente, cu ta firma e reportahenan di Landspakket.
E resultado ta un gobierno cu ta opera sin linea cla, sin responsabilidad defini y sin transparencia suficiente. Esaki ta debilita control parlamentario y ta mina confianza di ciudadano.
Nos pais merece miho. Gobernacion serio ta cuminsa cu claridad: ken ta responsabel pa kico, pa e Minister ey por wordo yama pa duna cuenta. Ta tempo pa e gobierno pone ordo den su propio cas.
Related News
Awe caso Avestruz ta yega na su fin y e legado di Benny Sevinger ta keda condena pa semper
Team 99 a laga Bou Palo Boys keda ‘homeless’
Hues a libera homber acusa di a haci actonan inmoral cu yiu muhe di su pareha
