Esaki ta e ganadornan di Buscamento di Webo di La Salle College

ORANJESTAD (AAN): Recientemente La Salle College MAVO na Playa a organiza den oranan di atardi un ‘Easter Egg Hunt’ riba nan tereno di scol pa e studiantenan.

   Alumnonan a haya 10 minuut pa busca mas di 100 webo colorido, y tambe 4 webo di oro cu a wordo scondi.  E webonan di oro tabatin premio.

   Aki por mira momento cu e alumnonan a subi tereno pa busca webo, y e cuatro ganadornan di webo di oro a bira conoci.

   E premio di un Bluetooth Speaker a bay pa e alumno Gialvan Diaz.  Premio di The Movies Gift Card a bay pa Benson Figaroa.  Premio di Mini Easter Basket a bay pa Lisander Quandus.  Premio di Gift Voucher di Cantine, a bay pa Jemma Caton.