Aruba ta logra cualificacion ‘A-’ di Standard & Poor’s Global Ratings

 *Un paso historico pa fortificacion di economia nacional

ORANJESTAD (AAN): Minister di Finansa, Asunto Economico y Sector Primario, mr. Geoffrey Wever, ta anauncia cu hopi orguyo cu Standard & Poor’s (S&P) Global Ratings ta upgrade su calificacion de credito pa  ‘A-’ ,  subiendo for di ‘BBB+’. E decision aki ta reconfirma cu Aruba a logra un pocisin mas fuerte, resiliente y confiabel riba mercado financiero internacional, basa riba crecemento economico solido, maneho fiscal disciplina y un posicion di debe significativamente mehora.

     Importante pa subraya ta cu esaki ta e di dos upgrade consecutivo den solamnete dos aña. Na 2025, Aruba a progresa for di ‘BBB’ pa ‘BBB+’, y awor a sigui upgrade pa ‘A-’ . E outlook cu a wordo asigna ta ‘stable’ , confirmando confianza continuo den e trayectoria economico y fiscal di pais. 

      Ultimo biaha cu Aruba tabata tin un cualificacion ‘A-/Stable’ tabata na juni 2012 ---- casi 14 aña pasa ---- loke ta haci e logro actual ainda mas significativo. Alavez, e cualificacion ‘A-/Stable’ ta reconoci como e nivel mas halto cu Aruba relisticamente por logra, considerando su structura  economico, un economia chiquito, habri y concentra.

      Maneho financiero di Gabinete AVP-Futuro manera palabra riba pagina 18 di e Programa di Gobernacion 2025-2028 ta haci uzo di e presupuesto di Pais Aruba como instrumento estrategico pa e desaroyo inclusivo di Aruba.   Cumpli cu e normanan di presupuesto manera ancra den ley y dsiciplina presupuestario ta forma e fundeshi di maneho na bienestar di cada persona y hogar.

       Cumpli cu e normanan di presupuesto ta keda necesario, pero uzo di presupuesto di Pais Aruba na mehora poder di compra, stimula comercio y hisa calidad di bida riba tur tereno di desaroyo, ta pilar di nos strategia inclusivo y ta e forma e meta pa un miho calidad di bida pa tur hende.

        Den un esfuerso colectivo Aruba a logra genera surplus fiscal di 3.6% di producto interno bruto na 2025 y a paga All. 140 miyon di debe reduciendo e peso di interes y creando mas espacio pa inversion den bienestar di ciudadanonan di Aruba.

         E relacion fuerte y constructivo di cu Hulanda ta keda un factor importante de upgrade pa S&P Global Ratings. Cooperacion mutuo via landspakket cu ehecucin di reformanan structural ta yuda fortalece gobernacion, transparencia y disciplina fiscal. Otro componente cu hunga un rol de e upgrade S&P Global Ratings ta e proceso di negociacion pa implementa e ley di Reino HOFA y asina contribui directamente na aumenta confianza de finansa publico di Aruba, consolidando credibilidad internacional y stabilidad institucional.

         E maneho financiero di Gabinete AVP-Futuro ta refleha banda di disciplina fiscal, e compromiso pa duna bek na comunidad. Manero di hisa e reparatietoeslag pa fortifica poder di compre di 22.000 pensionado, baha e accijns riba gasolin y diesel, hisa e bijstand di Afl. 600, hisa e schooluidkering pa cumpra di material pa school na Afl. 250, hisa e ouderbijdrage di Afl. 250 pa Afl. 350 pa mucha, baha e prima riba e prome Afl. 30.000 riba entrada di pensionado na 0 porciento y drecha salario di maestronan y kaderpersoneel ta parti di compromiso pa haci uzo di finansa publico duradero y duna bek na tur ciudadano. 

          Creaccion di un investeringsfonds nacional combina cu un investeringsagenda enfoca riba crecemento economico duradero, ta mustra mustra un maneho balansa entre responsabilidad fiscal y desaroyo economico. E combinacion di stabilidad macroeconomico cu inversion concreto ta manda un señal fuerte na mercado internacional cu Aruba no solamente ta stabiel, pero ta sigui traha pa futuro. 

           Diferente factor clave a contribui na e logro historico aki. Economia di Aruba a mustra un dinamica positivo, cu un aumento di 6,6% den turista stay'over y 8.2% den crusero na 2025, consolidando posicion di turismo como motor principal di crecemento economico. Na mesun momento, Aruba a logra alcansa e meta di debe di 70% di producto interno bruto pa 2031 hopi mas prome, na 2024 caba, na 2024 caba, y ta na caminda pa yega 50% prome cu 2040. Tambe, fortificacion di activo nacional , manera fondo di pension APFA, a mehora posicion financiero general di pais.

           Minister Geoffrey Wever a enfatisa importancia di e logro aki y su impacto directo riba futuro di Aruba: "E culificacion ‘A-’ no ta solamente un cifra tecnico, sino un confirmacion internacional cu Aruba ta maneha su finansa publico cu responsabilidad y vision".