Team 99 a laga Bou Palo Boys keda ‘homeless’

ORANJESTAD (AAN): Diasabra cu a pasa, loke mester a bira un sambombaso di bataya di domino, a “loop af met een sisser” manera nan ta bisa na Hulanda.

Un caso clasico di “I told you so”. E trabuconan di Bou Palo Boys a reta Team 99 lubidando cu e ultimo aki ta un ekipo fantasma; mas bien un lista di nombernan di “hitmen” cu ta wordo yama manera “the expandables” pa bin y “get the job done”!

   Ora wak contra ken nan mester enfrenta, Bou Palo Boys di “ay caramba, aki no ta bay keda sin palo”!

Nada menos cu Dr. Tico Dirksz, Salomon Heyden, “Chicks”, Ronny, Dr. “Snake”, Lito “Paga Candela”, “Snor” Perez, y “Niet zomaar een Taxista” tabata alinea caba cla pa zaag e palo di kwihi di Bou Palo Boys.

   Ora halftime a dal aden, ya Team 99 tabata dilanti cu 11-5! Manera costumber, e pasapalonan a skeiro bay off completamente gratis, pero despues di e “mondjes”, tabata “business as usual” pa Team 99. Sin misericordia, Dr. Han y su sicarionan a pone aw’i wowo basha for di Ingeniero Werleman y su gang di Bou Palo ora nan a suta e “Boupalistanan” c’un score impresionante di 21-12! Un score “palindromo”! Shonnan, keda pendiente pasobra e palo di kwihi ta bay saca reis atrobe.