ORANJESTAD (AAN): Recientemente WEB Aruba NV a entrega un vehiculo electrico (EV) como donacion na EPB Oranjestad.
DIARIO a compronde, cu e vehiculo ‘EV’ aki cu anteriormente a sirbi pa uzo interno na WEB, a yega su tempo.
Sinembargo e vehiculo por sirbi ainda pa yuda educa alumnonan riba e tecnologia di mantencion di vehiculonan electrico. Cu crecemento di e cantidad di vehiculonan electrico na Aruba, ta importante cu nos alumnonan tambe haya e conocemento di e tecnologia nobo aki.
Donacion di e EV lo contribui na esey. EPB OSTAD a expresa su gratitud enorme y a indica di lo haci bon uzo di dje. E lo wordo inclui den lesnan di ‘Basis Technicus Voertuigen en Mobiele Werktuigen’ (BTM). Asina e futuro mecaniconan di Aruba por siña habilidadnan y haya conocemento di EV Cars.
Related News
Minister Geoffrey Wever a entrega e ley pa crea Fondo di Inversion na Parlamento
Ta cuestiona si un minister tin autoridad pa cera algo publico na Aruba
Pa e proximo dianan tin chens pa un tiki awacero
