SABA ta organisa un Opendag dia 22 di Maart na Playa

ORANJESTAD (AAN):  SABA ta habri su portanan pa e comunidad di Aruba riba Diadomingo 22 di Maart, 2026 y asina demostra con nan ta opera na Verpleeghuis Oranjestad (VO).

   Verpleeghuis Oranjestad ta situa na Caya Ing. Roland H. Laclé 5 y e Opendag lo ta di 11'or di mainta te cu 1'or di merdia. SABA lo ofrece un evento interactivo di con nan ta cuida nos grandinan.

   Bin tira un bista tras di cortina:  Aruba completo por pasa y aprecia e operacion diario y e cuido duna na nos grandinan.

   Tambe cada 30 minuut lo tin un rondleiding pa wak e facilidad y areanan di specialisacion.

Conoce expertonan: Miembronan di ekipo dedica y di cuido lo ta presente pa contesta tur pregunta tocante servicionan di SABA.

   Pa check e conexion familiar, bishitantenan por participa den varios actividad hunto cu e residentenan y asina crea memorianan bunita.

   Segun Sulima Geerman, Director di SABA, “Cuida mas cu cuido” ta significa crea e esencia berdadero di un hogar pa cada residente cu nos ta cuida. Habriendo nos portanan, nos ta demostra comunidad cu orguyo kico 'Hunto mas fuerte' nifica.

   Un colaboracion pa prevencion: SABA & Fundacion ABO awor relaciona cu luna di prevencion internacional di Colorectal Cancer, cu orguyo SABA ta anuncia un colaboracion cu Fundacion ABO. Como parti di e programa CORESA, e Opendag lo tin un mesa special dedica unda cu bishitantenan (45–75 aña) por haya mas informacion riba e FIT-test, un screening test priva cu por haci na cas.

   Segun Dokter Chris Franca, fundador di programa CORESA, “Un screening no mester cuminsa na hospital, e por cuminsa cu un simpel escogencia na cas.” Cu e colaboracion cu Fundacion ABO, SABA kier demostra cu cuido di salud pro-activo y embeyecimento ta bay hunto.

    Mester registra! Mientras tur persona ta bonbini y por participa, ta recomenda pa registra.  Bo por haci esaki na e website aki:

www.bit.ly/auasaba

   Personanan cu a registra tin garantia riba un experencia personalisa. Tur persona cu registra tin acceso garantisa na un rondleiding. Pa garantisa bo luga, bay na e website pa registra di awe caba.