Prome dia di trabao di Minister Plenipotenciario Schwengle

ORANJESTAD (AAN): Informacion for di Den Haag ta indica cu despues cu Minister Plenipotenciario mr. Mildred Schwengle a yega Diahuebs na Hulanda,

e mesun Diabierna riba su prome dia di trabao el a keda ricibi pa e personal di Kabinet di Aruba na entrada di e oficina. Hefe di e departamento huridico di Kabinet di Aruba mr. Shandra John a haci entrega den nomber di e personal un bouquet di flor na minister Schwengle. Despues e mandatario a cera conoci cu e resto di e personal.

   Mas laat den e dia Minister Schwengle a atende su prome reunion di Conseho di Ministro di Reino (RMR). Na final di e RMR tabata tin un momento cu e tres Ministernan Plenipotenciario a pose hunto riba potret. Na e ocacion aki mescos cu tabata e caso di Aruba, pa e Minister Plenipotenciario di Curaçao Errold Bishop tambe tabata su prome reunion di RMR. 

   E potretnan ta cortesia di Kabinet di Aruba.