Di awor en adelante ta riba tur Diasabra tin Mercado Santa Rosa

Cuminzando e weekend aki

ORANJESTAD (AAN): For di algun aña caba Departamento di Agricultura, Cria y Pesca, Santa Rosa ta organizando su Mercado Santa Rosa riba diasabra. Esaki ta debi na e demanda pa  cumpra y ta mas alcansabel productonan local fresco produci. Nos clientela den mayoria caso ta pidi pa esaki. Logicamente nos departamento a yega na e conclucion pa organiza esaki den un escala mas chikito cu entre otro 15 pa 20 productor local cu ta bin ofrece nan producto. Tratanto tambe pa organiza esaki maske ta un biaha pa luna.

   Na luna di Januari e aña aki nos a ranca sali cu nos prome Mercado Santa Rosa di cual un biaha mas tabata masha exitoso. Nos bishitantenan a yega for di tur parti pa haci nan compras y combersa den ambiente placentero y probecha tambe pa disfruta di prijsnan alcansbel pa nan cartera. Esaki no ta un mercado grandi manera ta nos tin custumber di organiza. Esun di riba diasabra ta enfoca mas riba nos productonan local den un scala mas chikito, facil conveniente y rapido.

   Diasabra awo 7 di maart cuminsando for di 8’or di mainta te cu 12’or di merdia un biaha mas lo bay ta e caso caminda nos ta extende un invitacion na Aruba completo pa pasa haci nos un bishita awor cu orario extendi y haci bo compras di productonan fresco produci for di nos mesu suelo. Manera ta custumber varios di nos producto local ta aki den nos mercado so bo por hay’e. Asina ta no perde e oportunidad aki di bin probecha y pasa un rato ameno y cu prijsnan alcasbel. Lo bay tin entre otro carni fresco, fruta y berdura fresco y sin laga afo productonan natural. Pasabocanan dushi traha na cas pa nos mesun hendenan.

   Nan ta notifica clientela di Mercado Santa Rosa cu despues di dia 7 di maart awor nan lo continua riba tur diasabra aki mes na Santa Rosa cu nos for di 8’or di mainta te cu 12’or di merdia y asina complaciendo tur nos clientela cu ta desea di cumpra productonan fresco riba tur diasabra awor esaki ta bira posibel.

   Asina ta marca bo calendario for di awor riba tur diasabra por bishita Mercado Santa Rosa pa cumpra bo producto. Nos mester menciona si cu posiblemente lo bay yega un momento cu kisas no tin suficiente producto local e ora nan lo informa lectornan cu un of otro Mercado Santa Rosa lo wordo posponi debi na falta di produccion.

   Pa e weekend aki di diasabra 7 di maart bo ta cordialmente invita pa haci nan un bishita for di trempan 8’or di mainta te cu 12’or di merdia pa Mercado Santa Rosa den un formato mas chikito pa abo por probecha di locual ta bay tin pa ofrece.