Meverly Romano, Relacionista Publico di DIMP:
ORANJESTAD (AAN) Señora Meverly Romano, Relacionista Publico di Departamento di Impuesto (DIMP), den entrevista cu DIARIO, a indica cu tur cos ta mustra cu prome cu fin di 2026 Aruba lo yega na 100 mil auto.
Esaki ta increibel pa pensa! Por corda cu na 1984, apenas tabatin 18.000 auto cu A-nummer riba Aruba.
Cuarenta aña despues, e isla ta birando sobrecarga cu un total cu lo bay yega 100.000 auto.
“Di mi experiencia, mirando con cosnan ta bayendo, ta muy probable cu prome cu aña caba, nos ta yega 100 mil vehiculo, registra na Aruba”, el a duna di conoce.
Señora Romano a expresa cu esaki ta un cantidad basta grandi pa un isla asina chikito, pasobra Aruba no ta crece, e ta keda mes grandi, pero nos por wak e cantidad di autonan riba caminda si ta aumenta.
