Parlamento ta wordo stroba pa haci su trabao di control

Parlamentario Xiomara Maduro:

• No tin informacion financiero di e ultimo kwartaal di aña 2025 
• Gobierno mester percura pa e ta transparente con ta gasta placa 

ORANJESTAD (AAN): E ta importante pa Gobierno ta transparente riba e manera con e ta gasta placa di Pueblo. Pa e motibo aki cada kwartaal Gobierno ta publica su cifranan den un Uitvoeringsrapportage, miho conoci como URK cu ta keda publica riba e website www.gobierno.aw y www.finance.gov.aw. 

“Nos ta yegando fin di februari y ainda Gabinete AVP Futuro no a publica e cifranan di e ultimo kwartaal di aña 2025. Algo cu ta lamentable, ya cu di e manera aki Parlamento no tin un bista financiero completo di aña 2025 y no por cumpli cu su trabao di control riba Gabinete AVP Futuro,” Parlamentario Xiomara Maduro di Fraccion di MEP ta epxresa. 

E falta di transparencia aki ta trece cune cu CAft como supervisor financiero, tampoco por duna un opinion riba e manera con e maneho financiero a wordo hiba pa Gabinete AVP Futuro den e ultimo cifranan di e ultimo kwartaal di 2025, locual ta haci e falta di transparencia di Ministerio Wever di Finansa uno mas grandi pa Parlamento Y Pueblo.

“Sigur ora bo corda riba e critica constante di Gerlien Groes den oposicion y e gabamento di Geoffrey Wever cu tur retraso den raportahe financiero a pasa pa historia, Pueblo no ta spera cu februari ta cera sin transparencia financiero di parti di Gerlien Croes y Geoffrey Wever,” ta e critica cu Parlamentario Xiomara Maduro ta trece dilanti na conocemento di Pueblo.