Banda di Aruba lo presenta na New York

ORANJESTAD (AAN): E banda di rock alternativo activemirror di Aruba ta bay duna tres presentacion na e asina yama 2026 New Colossus Festival na New York City, di 3 di Maart te cu 8 di Maart.

   Ta bay ta prome biaha cu un banda di Aruba a wordo invita pa toca na e evento aki. E banda lo sali for di Aruba riba 2 di Maart y lo duna presentacionnan na diferente localidad den Lower East Side, durante e festival internacional di descubrimento di 6 dia.

  Schedule di presentacion:

Dia 3 di Maart, 9:15 p.m._ Pianos
Dia 5 di Maart 7:00 p.m. — Ki Smith Gallery
Dia 6 di Maart     9:30 p.m. — Laurie Beechman Theatre (presentacion priva graba)
Dia 8 di Maart     4:45 p.m. — Pianos

   E presentacion riba 6 di Maart lo wordo graba dilanti di un publico invita.

   New Colossus Festival ta un asina yama ‘showcase’ annual riba artistanan independiente y nobo for di rond di mundo, unda cu lo tin presentacion di mas cu 130 banda den lugarnan intimo den Lower East Side di New York City.

   Pianos ta un establecimento den Lower East Side di Manhattan, pa musica live.

   Ki Smith Gallery ta un espacio di arte contemporaneo cu ta anfitrion di eventonan di arte visual interdisciplinario y musica live.

   Pa loke ta activemirror, e ta un banda Arubiano di musica alternativo y ‘post-punk’, di cual e musica ta explora memoria, identidad y lugar via skirbimento atmosferico di musica y presentacionnan live di immersion 
anteriormente e banda a representa Aruba na Music Matters Live na Singapore y na North by Northeast (NXNE) festival na Canada.

Tur esaki mientras cu e banda ta contribui na e escena di desaroyo di musica original di e Aruba.