Alarma bati pa homber distrai coriendo den paña interior riba Green Corridor

ORANJESTAD (AAN): Automobilistanan a haya nan ta reduci nan velocidad riba Green Corridor, na altura di e T-weg cu tin pariba di Boticia Aloë,

ora cu nan a bin nota cu tin un homber ta canando na forma inusual ta subi caminda y baha bek, y despues bolbe cana mey-mey di caminda, y bisti solamente den su paña interior tipo ‘boxer’.

   E persona tabata actua raro, y tabata move y haci su curpa den forma comosifuera e ta bao influencia di un of otro substancia.   Algun persona a para nan auto un banda, y a trata di yega cerca e persona pa purba hala su atencion di ta trece su mes, y trafico den peligro.

    Nan a logra papia cu ne banda di Oduber Welding Shop, y a purba want’e pa asina e no sigui cana riba caminda.

   Ora cu nan tabatin e persona wanta, diripiente el a manera bay fo’i tino, y a cay abao riba e caminda cayente.  Pa casualidad, un unidad di Ambulance cu tabata pasando, a mira esaki y nan a stop mesora.  Paramediconan a bay traha cu ne, y a nota cu su curazon no ta bati.  Nan a cumpra cu CPR riba su curpa eynan mes, y ora cu porfin a logra detecta un pulso, nan a sali cu ne rumbo pa Servicio di Emergencia na Hospital.

   Kico a pasa e persona, di con el a bira asina y cuminza cana y core na pia mey-mey di caminda, no ta conoci.