ORANJESTAD (AAN): Recientemente, Minister di Husticia, mr. drs. Arthur Dowers, a ricibi bishita di director di Cuerpo Especial Arubano (CEA), Richard Kramers, hunto cu Richard Kelly.
E bishita tabata pa introduci Richard Kelly, cu a drenta den funcion como Hoofd Bewaking en Beveiliging na CEA despues di a sirbi Cuerpo di Marina Real pa 28 aña.
Durante e encuentro, a intercambia pensamento riba colaboracion continuo entre e Ministerio di Husticia y CEA, enfoca riba siguridad, profesionalisacion y fortalecemento di capacidadnan operacional. Minister Dowers a expresa su aprecio pa e dedicacion y experencia cu Kelly ta trece pa e organizacion, y a enfatisa e importancia di liderato fuerte den salvaguardia orden publico y siguridad.
Gobierno ta sigui comprometi pa sostene autoridadnan di siguridad den nan trabao esencial pa proteha comunidad y mantene stabilidad den sociedad.
Related News
Ta responsabilidad etico y moral di Gobierno pa pone fondonan disponibel pa resolve e prob...
Lanzamento exitoso di proyecto piloto di lifestyle coaching ‘SMARTlife’ riba Aruba
Ombudsman a manda su prome carta di preocupacion y ta señala problemanan
