Dos cas bandona den Prinsenstraat na candela

ORANJESTAD (AAN): Tabata Diadomingo anochi alrededor di 10:00 pm, cu tanto patruyanan di Polis y unidad di Brandweer a wordo manda cu urgencia pa un candela di cas na San Nicolas.

   Esey ta debi cu hendenan a cuminza yama pa indica cu tin un cas na candela den Prinsenstraat.  Esaki ta e caya cu tin panort di Blue Army Center bay pariba.

  Tabata rond di 10'or cu informacion a drenta cu tin un  cas na candela, polis a yega prome y berdad a constata un cas completamente na candela.  Despues a nota cu tin un otro cas mas tambe na candela.  E dosnan aki ta cerca di otro, y bon mes cu no tin mas cas cerca.

   E dos casnan aki ta bandona, y bisiñanan a indica cu nan ta bashi debi cu tin conflicto di famia despues cu e doñonan original a fayece.  Pero awor ta algun Adicto Ambulante sa pasa y plunder eyden, y ta pega candela.

   Personal di NV Elmar mester a presenta lihe, door cu un palo di luz lo a pega candela tambe.  E casnan mes no ta poni riba red di coriente.

   Varios unidad di polis a cera algun caya pa brandweer por a combati e candela.  No ta conoci te ainda kico por ta origen di e candela, aunke hopi ta pensando cu ta adictonan ambulante cu nan mal custumber.