Inscripcion na SKOA ta habri pa inscribi tur mucha cu ta bay cuminsa eerste klas

ORANJESTAD (AAN): Fundacion SKOA a cuminsa acepta inscripcion pa muchanan cu ta bay cuminsa eerste klas e proximo aña escolar di 2026/2027.

Mayornan por cuminsa inscribi nan yiu(nan) pa asina sigura nan luga pa e aña venidero na un bon scol. Si bo ta desea pa bo yiu tin un bon fundeshi den educacion, inscribie na SKOA y tuma e prome paso pa aventura y crecemento di bo yiu.

  Pa mayornan cu no tin yiu inscribi na SKOA, por inscribi pa eerste klas via nan website www.skoa.aw completamente online. Pa mayornan cu ya caba tin yiu inscribi na un scol di SKOA por haci inscripcion pa e yiu cuminsa eerste klas basis, via nos sistema di SAS. Ambos manera mester pone atencion pa e documentonan cu ta necesario pa por cumpli cu e proceso di inscripcion di bo yiu.

   Tur mayor cu inscribi nan yiu(nan) ta haya un periodo di 6 siman pa asina por cumpli cu e pago completo di schoolgeld pa e aña escolar venidero. Despues di 6 siman, si e pago no ta completo, e cupo di inscripcion ta wordo cancela cu consecuencia cu no lo bay tin un luga sigura na un scol pa e yiu por cuminsa eerste klas e proximo aña escolar.

   Pa pregunta of informacion tocante inscripcion pa eerste klas na SKOA por manda un email na This email address is being protected from spambots. You need JavaScript enabled to view it. of manda un WhatsApp na 748-5995. Pa cualkier otro pregunta of informacion tocante inscripcion en general na SKOA por bishita e website www.skoa.aw of por yama na liña directo 523-1800. Mayornan cu ta desea por pasa libremente na nos oficina pa inscripcion.