Famia ta busca paradero di Orshandry

ORANJESTAD (AAN): Riba Diaranson mainta, despues di a notifica Polis, awor famia ta pidi yudansa di comunidad pa yuda haya paradero di e teenager Orshandry Lampe Valerio.

   El a bandona su cas y nan no a mire mas, y su amigonan tampoco no sa unda e ta.

   E tabata bisti cu blousa preto, carson cora, y keds Air Jordan color cora cu preto.

   Orshandry tin estatura di 1.80 meter, ta domina Papiamento y Ingles, y el a nace dia 6 di Mei 2010, pues tin 15 aña di edad.

   Abo kizas a mira Orshandry ultimo, of bo a mire cu hende?  Por fabor duna informacion.

   Si acaso abo a mira Orshandry, ta ser pidi pa yama Central di Polis mesora na telefon 100.