Colegio Santa Teresita a ricibi bishita di Dande

ORANJESTAD (AAN): Riba prome dia di scol, muchanan a start nan dia ricibiendo bendicion di Dande.

  Esaki a wordo haci posibel danki na Go Cultura Foundation cu a pasa cu nan Paranda Nacional di Dande riba trailer cu speaker.

   E scol basico Colegio Santa Teresita na San Nicolas, tambe a ricibi bishita y tabata admirabel pa mira e interes di e alumnonan pa e melodia, y e cantamento di Dande door di ganadornan di Dande Infantil y Hubenil recien.

   Sin duda alguno, un momento special pa e alumno- y docentenan di e scol y nan a hasta hiba pone nan cariño den sombre di e cantantenan.