Hues Comisario a prolonga detencion di e chauffeur di 24 aña

Accident cu consecuencia fatal pa pareha Dominicano

ORANJESTAD (AAN): Hues Comisario a revisa tur folder relaciona cu e investigacion di e caso impactante cu keto bay ta topico di combersacion.  E accident unda cu chauffeur di un auto SUV tipo Jeep Compass color preto a pasa dal dos peaton cruzando caya net na final di e brug di Sonesta riba Diadomingo marduga cu a pasa.

   Riba Diahuebs, e muhe sospechoso di 24 aña di edad a wordo presenta dilanti Fiscal di Husticia y siguientemente dilanti Hues Comisario.

    E ta wordo sospecha di a causa e accidente mortal di trafico den anochi di Diadomingo 4 di Januari 2026 na Oranjestad, unda dos persona a perde nan bida net dilanti entrada di Renaissance Mall.

   Fiscal di Husticia a pidi pa prolonga, pues bewaring di e sospechoso. Hues Comisario a analisa tur e puntonan aki, y na final a tuma decision pa alarga e detencion di e sospechoso y a duna ordo pa bewaring pa un duracion di 14 dia.

   Sospechoso di accidente mortal di trafico ta sigui deteni.  Esey nifica cu e muhe C.F. di 24 aña lo wordo traslada pa Prison di KIA, unda e lo keda encarcela den e seccion di ‘Huis van Bewaring’.

   E investigacion di e accidente ta continua.