Scol SPO Santa Cruz a ricibi bishita di Ministro di Enseñanza

ORANJESTAD (AAN): Ministro di Enseñanza, Gerlien Croes recientemente a dirigi su mes na distrito di Santa Cruz,

unda el a bay haci un bishita di reunion Scol SPO Santa Cruz.  Esaki ta un scol cu ta cay bao di maneho di Departamento di DPS.

   Ministro a wordo ricibi door di cabezante, docente- y alumnonan, kendenan a saluda e titular di Enseñanza cu hopi animo. Ministro claramente a aprecia cada uno di nan cu a dune un bon bini caluroso.

   A hiba combersacion cu cabezante y demas docentenan di e scol riba diferente topico, a check e estado di e edificio, y tambe a bay check algun les cu tabatin e mainta ey.

   Ministro na final a duna danki na tur esnan di Scol SPO Santa Cruz pa un bishita cu hopi energia y inspiracion. E tin enorme aprecio pa tur educadornan cu ta yuda forma e futuro di Aruba por medio di nos alumnonan.