Muchanan di Perla Gymnastics a bay representa Aruba den e ‘Copa IGA Panama 2022’

Bao guia di coach Yarimar Medina

ORANJESTAD (AAN):  Perla Gymnastics a sali diaranson rumbo pa Panama pa participa den e Copa IGA Panama 2022. Tin casi 6 luna cu nan ta preparando pa e evento aki bao guia di nan coach Yarimar Medina.

            Pa Perla Gymnastics, cual ya caba tin dos aña di existencia, esaki ta nan prome competencia, asina nan Miguel, Presidente di e organisacion a duna di conoce prome cu e salida di hobennan rumbo pa Panama.

            E muchanan a train hopi duro. A trece coachnan di afo pa bin yuda cu reforma e parti di training. "Nos kier bisa danki na coach Yarimar cu a train e muchanan durante 6 luna largo pa asina nan por bay Panama y representa Aruba den e miho forma posibel", Miguel a expresa.

            Na Panama 13 pais ta bay competi. Ta un competencia reconoci cu ta wordo realisa tur aña y nan ta hopi contento cu Aruba e biaha aki ta forma parti di dje.