Grupo di studiante di Colegio EPI lo pasa nan pasantia na Iberostar tanto na Mexico y Jamaica

ORANJESTAD (AAN): Tin e grupo di studiante di Colegio EPI, ya caba den pleno preparacion! 

E studiantenan di Unit H&T hunto cu nan mayornan a haya un presentacion e siman aki di Iberostar tocante nan pasantia den 2026 na destinacion Mexico y Jamaica.

   Splicacion detaya a wordo duna door di Dominique Meyer di Aruba, representando Iberostar Group.

   E studiantenan Diana Medina, Zoelly Yarzagaray, Kenyer Matos, y Alex Rampersaud di e opleiding Leisure, Travel and Hospitality lo bay na un hotel di Iberostar na Mexico.

   E studiantenan Geraldine Gomes y Jonaila Luidens di opleiring Leisure, Travel and Hospitality lo bay na un hotel di Iberostar na Jamaica.  Di e forma ey nan tur lo experiencia e trabao den bida real.  Un experiencia cu sigur lo bay ta fructifero pa nan carera.

   Colegio EPI ta manda bisa masha danki Iberostar pa brinda e sesion pa mayor cu a duna conocimento y trankilidad cu e studiantenan lo ta den bon man.