Doño di trabao cu abusa di trahado mester bay riba un ‘black list’

Minister Arthur Dowers di DIMAS:

• Siendo cu e ta esun cu a firma pa permiso vast
• Ministro ta haya cu mester tin un balansa 

ORANJESTAD (AAN) Minister di Husticia mr. Arthur Dowers, den entrevista cu DIARIO a elabora tocante e casonan cu ta presenta cu ora un doño di trabao ta firma pa un hende pa un permiso vast, despues di un tempo e trahado aki ta busca otro compania pa traha y ta bay for di e empresa cu a percura pa su permiso vast.

  Un pregunta cu ta bin den pueblo ta si no por mara esnan cu ta haya permiso, na un periodo di alomenos 3 aña cu su prome doño di trabao cu a firma p’e.

  Minister Dowers a bisa cu mester haci un onderzoek, pasobra tin diferente struggle, y e mandatario a trece dilanti cu tin trahado ta bisa cu tin compania cu ora e trahado ta haya permiso vast ta cuminza abusa di dje, pasobra e sa cu e no por bay.

   Dowers ta haya cu mester tin un balansa, y registra e datonan bon. “Por ta enberdad tin algun dunado di trabao cu ta abusa di e trahado y podise mester pone nan riba un black list, na luga di bisa tur ‘hende ta haya permiso, pa preveni loke cierto doñonan di trabao ta haci.

   “Pues, mester busca e balansa. Mi a combersa cu algun trahador na un compania cu mi a bishita, y nan a bise cu nan ta asina impresiona con bon nan doño di trabao ta trata nan, siendo cu den pasado tabata haya keho cu e dunador di trabao aki tabata kita y pone trahado sin mas. Ora nos papia nos por tin datonan concreto y nos tin cu bay haci’e den colaboracion di nos coleganan di Labor. Bo mester adapta bo maneho Basa riba kico ta biba den bo pais”, Minister Dowers, titular di Husticia, a señala.