Vilanni a gana 62.500 Florin cu wega di Zodiac

ORANJESTAD (AAN): E wega di Zodiac ta uno hopi gusta, y bo por bet cuanto placa cu bo kier pa esaki.  For di 50 cent te na 25 Florin.

   Recientemente Vilanni a cumpra su ticket di Zodiac, y a pone un bunita bet na dje.  El a keda contento pa mira cu el a sali ganador.

   Pesey riba Dialuna el a acudi na oficina di Lotto na Playa pa reclama su premio.  Despues di a check si el a pone su firma na e banda patras di e ticket, nan a scan e barcode y e computer instantaneamente a mustra cu Vilanni a gana 62.500 Florin cu e wega di Zodiac.

   Mesora a cuminza cu e proceso pa transferi e premio electronicamente pa su cuenta di banco.  Vilanni a indica cu e ticket ganador mes el a cumpra na JR-1 Lottery.