Eleccion 2021 a produci e resultado cu encuestanan di debate a presenta - *Pueblo di Aruba a confirma na urna electoral cu Evelyn mester dirigi Aruba - *Evelyn a haya sosten electoral mayoritario ora pandemia a paralisa economia
ORANJESTAD(AAN)—E encuestanan despues di debate a papia un palabra cla. Cu un porcentahe sumamente halto, despues di debate encuestanan a mustra cu Pueblo kier Evelyn Wever-Croes na timon di Aruba
Na urna electoral Pueblo di Aruba a papia palabra cla! Evelyn Wever-Croes a obtene e maximo di voto personal di eleccion 2021 cu 7518 voto directamente riba su nomber.
Pa Aruba esaki ta nifica hunto cu e hecho cu MEP a haya mayoria di voto, cu Pueblo di Aruba kier pa Evelyn Wever-Croes dirigi e pais y duna continuacion na e maneho cu ta drenta historia.
DIARIO for di atardi tabata en espera di e gran noticia cu tin un un nota historico special pa motibo cu Evelyn Wever-Croes a pone fin na maneho irresponsabel di placa na Aruba y a bini cu medida pa scapa Aruba.
Evelyn Wever-Croes no a practica mentira enfrente Aruba pero a mustra Aruba cual ta e maneho corecto, a cera porta di turismo cu ta entrada di e pais pa confronta e pandemia Covid-19 pa scapa bida di e Arubiano!
Na un momento historico pa Aruba, e pais a confirma na urna electoral cu e kier Evelyn Wever-Croes como su lider!
Related News
Ola di COVID tabatin efecto grandi riba turismo den luna di September
Rosa Leon ta anuncia varios actividad di Fundacion Movemiento ta Bida pa 60 plussers
Vacunacion tabata e solucion cu a pone cu awe Aruba ta recuperando
