Alina Mansur a logra titulo di campeon den su categoria na evento di Paso Fino

ORANJESTAD (AAN): Un gran victoria sigur pa un Arubiano cu a logra bay cu e titulo campeonil den su categoria, durante evento di Campeonato di Paso Fino teni den fin di siman na Ocala, Florida.

   Alina Mansur cu tabata representando isla di Aruba, a bay cu e Gran Campeonato den e Categoria 109 Fino Am Colts/Stallions Championship NP.

   El a haci esey cu ehemplar Tesoro di Villa Floralina.

   E evento a ser teni na World Equestrian Center na Ocala, cu ta keda como 135 km panort di Magic Kingdom di Walt Disney World na Florida.

   DIARIO ta manda palabranan di masha pabien na Alina cu e victoria aki.