Wardacosta y Polis Maritimo a yuda rescata boto di bela cu tabata yenando cu awa

ORANJESTAD (AAN): Un caso di emergencia a presenta su mes Dialuna riba lama pabao di Aruba. 

Esaki a pone cu tanto Wardacosta di Caribe Hulandes, hunto cu Polis Maritimo a drenta den accion pa bay rescata un boto di bela.

   Tur cos a cuminza cu e informe den dia via Canal di Emergencia di VHF Marine, cu tin un boto di bela yenando cu awa y mester yudansa di autoridad.

   Personal di Wardacosta conhuntamente cu Polis Maritimo a bay yuda e boto y e pasaheronan abordo.

   Cu yudansa di autoridad a logra pomp e awa y a tow e boto trece tera sano y salvo, y awor tin di bay haci reparacion.