Nochi di graduacion di Ceque College

51 hoben a logra nan diploma

ORANJESTAD (AAN):  Na e ballroom di Holiday Inn Hotel tabata tin ceremonia di graduacion di Ceque College MAVO.

Cabesante Clay Shipley a bisa cu esaki tabata e anochi di entrega di diploma 2022. E preparacion tabata tremendo y e comision a percura pa haci un tremendo trabao.

Di 55, 51 studiante a gradua locual ta representa un 93%, a indica.

El a agrega cu nan ta hopi satisfecho cu e resultado. Tur MAVO scol a score hopi bon aki na Aruba, riba 90%, pesey nan ta hopi contento.

Awor ta preparando pa bay vakantie, pero toch den preparativonan pa un aña escolar nobo.

Segun Shipley, e reto awor ta keda semper stimula e studiantenan y tambe envolve e mayornan pa asina tur cos por cana mas nechi, a expresa.