Proceso awor mas facil pa staciona ora di bay vacuna

ORANJESTAD (AAN): Desde fin di siman cu a pasa, un proceso mas facil a wordo traha full rond di Centro Deportivo Betico Croes.  Awor tur hende cu ta bay vacuna tin di drenta for di banda pariba (caminda dilanti Botica), y

aki bo ta topa cu un personal na un checkpoint pa puntrabo si bo ta bayendo pa 1er dosis of 2ndo dosis, y tambe si bo tin hende di riba 60+ edad den auto.

   Eynan e ta guiabo cual ruta pa tuma pa staciona, y si acaso bo tin hende di 60+ den auto, e ta dunabo guia unda bo ta bay baha nan pa asina drenta via Fast-Track.  Full rond di e lugar tin caminda traha cu baricada di DOW, cu ta hibabo pa e parking grandi banda pabao, y cu hende pa guiabo unda pa staciona.