Atraco Team a detene homber sospecha di tin di haber cu atraco na Pizza Hut

ORANJESTAD (AAN): Dialuna siman pasa a drenta informe cu un hende homber cu tabata transporta placa pa Pizza Hut a wordo atraca. E victima a declara di a wordo agredi door di e atracadornan.

Te hasta a pidi ambulance pa e victima wordo transporta pa hospital pa ricibi tratamento medico.

Dialuna mainta Atraco Team a haci un entrada hudicial na dos diferente cas. Un cas na Koningstraat y un cas na De Vuyst.

Na e cas na De Vuyst a detene e homber di inicialnan M.M. naci na Haiti di 47 aña sospecha di tin di haber cu e atraco na Pizza Hut.

Pa Cuerpo Policial por resolve mas caso cooperacion di pueblo di Aruba ta hopi importante pesey ta pidi si bo tin cualkier informacion yama tiplijn 11141.