Secretario di Estado van Huffelen lo participa na seminario ‘Hende Muhenan Fuerte’

ORANJESTAD (AAN): Otro siman, Secretario di Estado Alexandra van Huffelen ta bishitando nos islanan Aruba, Curaçao y Sint Maarten pa algun encuentro cu ciudadanonan, voluntarionan y empresarionan.

Durante su estadia cortico na Aruba, Secretario di Estado van Huffelen ta participa na un seminario organiza pa Gobierno di Aruba y Universidad di Aruba. E seminario aki ta hiba e titulo di ‘Hende Muhenan Fuerte’.

   E seminario aki ta conta cu un programa sigur hopi bon hinca den otro, na unda cu varios di nos hende muhenan fuerte cu posicionnan clave den nos comunidad, lo elabora riba diferente tema sumisamente interesante.  Tambe lo tin dos panel pa debati riba diferente topico y rol di nos hende muhenan den liderazgo.

   Gobierno di Aruba ta extende un invitacion na tur nos hende muhenan y nos hende hombernan pa sintonisa e seminario en bibo a traves di Telearuba diamars 24 di mei di 10.00 am pa 12.00 pm.

   Prome Minister Evelyn Wever-Croes a enfatisa cu pa Aruba e seminario aki ta algo grandi sigur, mirando e rol asina importante cu nos hende muhenan tin aki na Aruba den ultimo tempo