Interesante torneo di Bolas Shotaz hunto cu Kickball a tuma lugar na Veld Estrella

ORANJESTAD (AAN) — Lorio Koolman, doño di Las Bolas Shotaz, a comenta pa DIARIO cu e dianan 29 y 30 di Abril y dia 1 di Mei, el a organiza un torneo di bolas hunto cu Kickball.

El a duna di conoce cu Diadomingo tabata tin e gran final di bolas, den cual a participa un total di 40 team, 16 di hende muher y 24 di hende homber. E evento a tuma lugar na Veld Estrella unda nan haya un tremendo cooperacion di e directiva di Estrella tambe.

Nunca a hunga bolas cu Kickball, cu ta un concepto nobo y como cu nunca a experiencia esaki prome, nan a keda contento. Koolman y e teamnan a gradici Estrella tambe cu a brinda nan e chens di uza nan tereno. Tabata tin casi 200 persona riba veld, den un fin di siman cu tin poco actividad pa famianan.