The content originally appeared on:
Diario
Riba Dia di Brasil, dia 1 di September:
Diadomingo 1 di September, Fundacion Chico Harms a presenta su Parada Folklore Cultural den e Bario di Brasil, pa celebra Dia di Brasil.
E tabata un parada masha bunita mes, cu participacion di diferente grupo di mucha, hoben y adulto, cu a yena e caya di Brasil di baile, color y alegria. Asina un cantidad grandi di hende, tanto di bario Brasil cu resto di Aruba, sin laga di menciona cu tabata tin turistanan tambe cu a bin “conoce nos cultura”.
E parada a cuminza y caba den Centro di Bario Brasil.
Seccion Hubentud den Movecion tin palabranan di pabien pa Fundacion Chico Harms, Centro di Bario Brasil, y e gruponan di artista infantil, hubenil y adulto cu a pone e toke di felicidad cu nan ritmo, bistimento colorido, y caranan sonriente disfrutando di nan arte di balia, riba caminda.
