OPPA tambe a celebra Dia di Himno y Bandera, y a dedica e evento na su miembro Frank Williams

Ivo Valdez, President di OPPA:

ORANJESTAD (AAN) Organizacion di Pensionadonan Publico di Aruba (OPPA) tambe a celebra Dia di Himno y Bandera, y esaki a tuma lugar Diabierna 21 di Maart. Den entrevista cu DIARIO, President di OPPA, Ivo Valdez, a duna di conoce cu pa evento aki e miembronan di e organizacion a presenta un obra.

   Ademas di esaki, nan a probecha pa dedica e mainta ey na señor Frank Williams, cu ta miembro di OPPA pa hopi aña caba, y tambe ta escritor.

   Valdez a splica cu señor Williams tin un trayectoria basta largo den e comunidad di Aruba, y esaki ta un forma con OPPA ta mustra su aprecio p’e grandinan tambe, vooral su miembronan. E sede a wordo drecha pa e Comision di Actividad, cu ta haciendo un bon trabao, Ivo Valdez a señala.

 galleryOPPA tambe a celebra Dia di Himno y Bandera, y a dedica e evento na su miembro Frank Williams/gallery